राधे रंग तुझा सांग कशाने रापला?
सावळ्याच्या मिठीमध्ये रंग सावळा लागला ?
राधे , कुंतल रेशमी ... सैरभैर ग कशाने ?
उधळले माधवाने किवा नुसत्या वा-याने ?
राधे , नुरले कशाने तुज वस्त्राचेही भान ?
निळा प्रणय अथवा एका बेभानाचे ध्यान ?
राधे , कासाविशी अशी .. तरी " वेडी " कशी म्हणू ?
तुझ्या रूपाने पाहिली एक वेडीपिशी वेणू !
राधे , दृष्टीतून का ग घन सावळा थिजला ?
इथे तुझ्या डोळा पाणी ...तिथे मुरारी भिजला !!
डोळा पाणी .. जिने उन्ह ..इंद्रधनुचा सोहळा
पुसटले साती रंग .. एक " श्रीरंग " उरला !!
Subscribe to:
Post Comments (Atom)
No comments:
Post a Comment